孤佬無聊日誌

明日之星？

2009-12-28T00:40:00.001-08:00

昨天我同大大又做了一日跟班，跟出跟入，幫手買外賣化妝，形象設計等。
辛辛苦苦又做了一日，晚上一個人回家食公仔面，佢地就去人家生日會玩，
難得一支公係屋企睇爸不得爸爸，呢部算是CCTVB 2009最驚喜之作，在下從不睇CCTVB的C9劇，真係睇第一集就知結局，過程不外男女主角互界，三角四角戀，一男二女，二女一男，二女二男等。再加的爭產爭權。。又一套，呢部雖然係抄難兄難弟，又加一點回到未來，但間中又出現的抵死野，
最後竟然連T800（未來戰士）都有份出場，結局真係有小小估唔到。難得係第一集同最尾一集又首尾呼應！

講返正題，昨日都算好彩，泰國及KOREA的選手，因剛坐飛機便馬不停蹄到會場比賽，因而失準，俾大女組合偷雞成功，力壓他們得了二個冠軍（只參加二項）回來，幸運地大女今年參加的所有比賽除了有2項得了亞軍外，其他都能奪冠而來，在年終時總會特別給了一個明日之星給大女的組合。呢
粒石都算十分巨大，當時都幾高興的，但今天一覺訓醒便覺沒什麼特別，其實成績本身都唔算重要，只是開心一下而己，最重要其實是學習的過程，學習接受失敗。人才能成長。

隨想二

2009-12-10T04:39:00.001-08:00

一個人食幾多搵幾多真係整定，隻股仔HOLD左二星期都無乜料到轉第2隻，點知一轉
左就升到亞媽都唔認得，轉個隻就跌到亞媽都唔認得無計！唯有苦笑。
股市連跌五日，正如小宛子所講都無乜可能二萬五了，睇來要留心下的熊仔！
一於訓身做大淡友！！

下午打電話俾一佛友，吹左成粒鐘，同佢講夠食咪算囉，係香港洗怕餓死咩！
當中陳鴻烈，DJ皇帝也死了，他們真是幸福了，希望自己唔好咁長命，死得咁快就好了。又講到既然的骨灰位咁貴又無乜用，自己身後都係張的骨灰倒落大海，求其係慧
泉寺開返個牌位，聽下佛經同老豆吹下水，反正臭皮囊一具沒用處。
又講到凡事都唔洗太重，由其得同失，當你以為失去了很多，其實係可能得到的多。我講了呢半年在單車徑上經常見到位大叔的故事，那位大叔以前只顧搵錢而忘了身體，結果不幸中風，現在每日堅持走2轉吐公才好了點，他說如果在未病發之前能。。。。。

上星期六去ANDY居企，同佢的道友一齊幫佢的神像開光，自己比較信佛，見他們張呂祖放中間，左手放觀音感覺都幾怪下！他們的觀音經也我地讀開既心經好唔同，
各司各法，都無乜所謂，難得ANDY兄道心咁堅決，祝他早日得道，仲有ANDY咁記住得閑要接濟下我呢位清貧人仕，最好介紹份優差俾我啦。人工唔洗太多架，最緊
要俾時間我炒股！！！

無啦啦俾人傳左的感冒，我都知係邊個傳俾我，病左幾日咳到PK，今日見好天於是走左轉大埔，希望出一身汗好的啦，其怪地踏時又乜事都無，返到屋企坐係到又咳到PK，頂佢！！

類居“心心”隻聖誔CD終於出左，多謝佢隻送CD俾我2個女，應該係呢一二日見街了。

部山寨手機UP左上WM6.5.X 版，但係簡體版好彩用落都OK，不過安装太多古怪
野死死地，又唔想HARD RESET佢，又要從新安過的SOFTWARE真煩。試左幾十個THEME 同TODAY PLUGIN，最好用竟然係扮IPHONE 個THEME，IPHONE 真係好過WM 好鬼多下。

隨想

2009-11-21T02:11:00.001-08:00

昨天晚上收看明珠台的“絕望真相”，講到當年薯仔話呀戈爾係超級環保份仔，若他當選美國便會出現大量
失業，當時戈爾認為要改革美國成為一個環保國家包括GM等大車廠，不幸地薯仔因美國法院下得了總統。
那時在下不是美國人，也沒什麽感覺。但想不到呢個法院決定可能成為人類沒日的黑手，因為當年戈爾講既
野在九年後的今天，己經一一應驗，全球天氣反常，南北極冰川消失， GM等美國大車廠不但無有好像薯仔
所講越做越大，反而是戈爾所講不改革會面臨倒閉。而老美也有商釣結等問題，而且問題比香港更大，不知
美國人看完“絕望真相”後，有沒有後悔投票給薯仔呢？如果當年戈爾做了美國總統是否更好呢？
可惜歷史上沒有如果。。。。

環保－綠色生活，在下現在的生活可以係幾環保，早在十多年前不吃牛肉，現在更多菜小肉。所有物質野足夠便算，
用手錶皮帶等只有一件，洗澡時盡力慳水，每日煲水飲用剛剛好。每次大大煮飯時總話自己不餓叫佢煮小的，怕她煮
太多浪費食物。大大總是話我“孤寒”，但又她可明白，如果每個人都能減小浪費，呢個世界既人類才能生存下去。
可惜的是還有幾多人會明白綠色生活才是最好的生活。人類真的要見到棺材才怕死呢？

天才－天才是先天才能再加上後天努力而成，今天又一大班少女們走到我家集合，準備出發練舞。看到當中不小人為了
拍子而煩惱，今天才發覺要學識跟緊拍子己經是很困難的事情，那些人單是學跟拍子己用了多個月時間。可能大女天生
才能好，而之前只見類居 “心心“ 都沒有問題。別人花了幾學月還學不會的事情，她一下子就學會，既準又好，一點兒
難度都沒有，所以在下一直以為小孩學跟拍子是很容易的事。現在才想起那位叫”心心“的小朋友，自細學唱歌，現在
唱得十分好，最近她被叫到錄聖誔歌和辦演鄧麗君的小女版。相信大家很快便聽到“心心“的歌聲了，她真係唱得唔錯架。

在ENCORE兄的引誘下，把心一橫，大胆地把山寨手機升級到WM6.5,現在幾日感覺上MULTI TASK快左，不像6.1要等一
個PROGRAM RUN完才能移動，上INTERNET快左，再加上之前部機既ROM太多無謂野，拖到部機好慢，現在感到幾OK，
唯一是我呢個6.5版，到STATUS BAR上沒有電量顯示，呢個真的大問題，幸好在網上爬了二日，終於發現了TODAY 的
一個PLUGIN，它既能在TODAY顯示電量，還顯示了用RAM情況，打開WIFI等SHORT CUT，真係無得頂。現在只差天氣
而己，但試了幾個都麻麻地， SHORT 下SHORT 下，又唔SUPPORT 香港。無計了又唔想用SPB SHELL（食左的RAM），
TOUCHFLO 2D又行唔到，可能要FLASH 係ROM上先得，但如果FLASH 係ROM 我又無乜興趣了！。唯有等下幾時有啦。

曬命

2009-11-17T04:28:00.001-08:00

最近冷得很，在新界馬鞍山就更冷了，整晚都吹著大風，看一看時鐘上的温度計，在屋內都只有十度，在天寒地冬的日子裏，能有多小人像我一樣，早上睡在暖立立的床上，直到十時多才慢慢地起床，看看吹著勁大風的街外，見到係忽忽地在街上走著。吃過早點後己幾差不多十一點了，又到開工時間，做了十分鐘野便收工了！

中午和大大去茶數飲茶（當然係特價時段啦），二個人吃個夠才六十元仲平過去吃快餐，回家後上網找了一陣資料又上下JOBDB睇下有沒有工啱心水。
打開電視睇完叮噹及西遊記二（想不到呢套西遊講了很多佛理，真係好睇）。六點多鐘便吃過晚飯同2個女兒溫功課或玩下，玩下電腦或打一機又一日了。天天如事咁又過了一年的失業生涯！看見朋友都要記掛著明天要上班，連ENCORE兄和KEYHOLDER大師都會因工作壓力而失眠，我都差點而忘了失眠的感覺了，如果晚上訓不到咪起身玩下囉，晚上唔訓咪日間訓返，總知幾時眼訓便走上床大覺訓。如果能中六合彩不需再為以後的生活而擔心的話，我既人生就真係PERFECT 了，又或者2012 可能是真實的到時人人都要死，現在食曬先到時死都死得抵啦，話曬做左幾十年人，從未嘆過由細捱到大，快死時都有幾年嘆下都咪話爽喎，其他人可能仲係捱生捱死，諗落自己都幾黑心！！！

某天老友來我家玩，以前我和他多數是講電腦的，但年紀漸長我們的話題己經由電腦變成講股票了，當中我們都交換了炒股的心得，但最後都是各有各的睇法及玩法，但那時＃5仔約有86元左右，我對他說五號仔應該年尾前可以到一百元，他便說約五號仔到一百時指數最小是二萬五了，當時我十分奇怪地說難道不可只有五號仔升而其他股不升呢？它到一百元也恒指也不見得是二萬五，但他始終堅持他的想法，所以不想和他爭辯等事實出來再說。現在五仔都差不多見一百了（ADR 己經上過一百），但恒指還不到二萬三千點！今天恒指還下跌了30點但五仔卻升了差不多一元呢！！

早幾日，難得KEYHOLDER大師同ENRCORE兄又睇在下的命盤，現在嘆緊世界（等緊破產），大師竟然對我呢個絕世閒人說，我下年張會很忙很忙！？到現在我都想不清為何會這樣，照現在推斷根本沒什麽可能的，
真係只有講一句WAIT AND SEE。

機會成本

2009-11-09T05:38:00.000-08:00

中學讀書時就學過呢個學名。近年它有一個更潮既說法－－等價交換！！其本上所有事情都是等
價交換。在下失去工作己經整整一年了，今天一早打開電腦無無聊聊忸都無做過又過了一天！人生好像白紙一樣，真想快點找到工作，但現在香港要找一份好工又談可容易呢？

回心一想失去了工作，失去了搵錢的機會，但換回了自由輕鬆的生活，身體也因為吃得清淡和多做運動而變得健康了，由從前一年病幾次到今年未曾睇過醫生，減了二十磅的我，連行步路都輕快得多，可惜沒有收入的我，己經沒有多餘的金錢可花，一整年己經沒買衫給自己，看戲卡拉OK，去酒吧等娛樂己經無我份。所以物質足夠便算，可能這樣的生活便接近禪，晚上又踏完單車回來，原來晚上孖橋的景色是如些美麗，但又有多小人會像我一樣呢！？